احلام ورديه


منتدى نسائى متنوع
 
الرئيسيةالتسجيلدخول

اهلا وسهلا بكم   منورين يااااااااااااااحلا نواعم



شاطر | 
 

 كشتات جبارة لشباب سعوووووودي

اذهب الى الأسفل 
كاتب الموضوعرسالة
شذا العطر
عضو منور
عضو منور
avatar

عدد المساهمات : 23
تاريخ التسجيل : 18/11/2011

مُساهمةموضوع: كشتات جبارة لشباب سعوووووودي    الأربعاء نوفمبر 30, 2011 6:03 pm

كشتات جبارة لشباب سعوووووودي



<P align=center>
بسم الله الرحمن الرحيم
والصلاة والسلام على اشرف خلقه سيدنا وحبيبنا محمد اما بعد ولله الحمد لي عاده شبه سنوية اثناء الكشتات يكون فيه توزيع كسوة ومؤنة للرعاة اثناء التجوال لعلها تكون سبب في مغفرة الله جل في علاه .. وكانت الوالده (ام يوسف )رحمها الله اكثر من اعانني في الاستمرار على هذا العمل وتطويره ولله الحمد..و كان لها اثر في التوزيع الاخير قبل وفاتها بشهر من بذل بالمال والجهد وابشركم انتقلت لرحمة ربي جل في علاه وهي صائمة كعادتها في الاثنين والخميس وايام البيض
وتعتبر السنة هذي من اقوى الاعمال ولله الحمد والمنه بفضل مساعدة الوالده رحمها الله والاخوة والاقارب والاصدقاء فلهم الدعاء والشكر
ندخل بالموضوع طبعاً الفئه المستهدفه في هذا المشروع هم الرعاة
هي رحلتين يفصل بينهم عشرة ايام فقط وكانت الرحله الاولى في نهاية شهر ذي الحجة1431هـ والثانية في بداية محرم 1432هـ وكان العدد في مجموع الكسوة والمؤنة تقريباً 125كسوة فالشكر موصول لكل من ساهم .




طبعاً لكل راعي شنطة وفراش
والشنطة نبي نوريكم وش فيها من مكونات




نبدأ بالصور
فازلين / فقس / صابون / فرشة ومعجون / ولاعة / مقص اظافر / امواس حلاقة






نوعين شراب خفيف وثقيل / طربوش/سماعة اذان / مداسيس






بالطو وجكيت اثنين في واحد
+ بجامة + فوطة + شال






فراش




سكر / شاهي / دقيق / رز / تمر




جزمه الله يكرمكم






طبعاً هذي الكركبة في بيت الوالده رحمها الله
















كرتون فوط




طحين والشاهي


























بداية التحميل في السيارات
























هذي السيارة مزودة بتانكي ماء سعة 550 لتر ومليانه تحليه عشان يكون سقية برضه نعبي لرعاة




الانطلاقة من عنيزة الحبيبه وكان خط السير تقريباً عنيزة .. قبه .. البعيثه .. الزبيرة.. سامودة .. لينه .. رفحا .. سكاكا .. الجوف .. حايل ثم العودة








بعض الصور للنومة اول يوم والاستعداد لبداية التوزيع











..
وهذه بعض الصور الي قدرنا نصورها لكم لأن صراحه كان الوضع لايسمح في الغالب

قصدي ان فيه بعض الاحيان يكون الراعي في وضع مأساوي يستحي ناخذله صورة

اما اذا كان مبسوط مثل الحبيب يكون الوضع عادي









مالقينا له الا هذا المكان ركب معنا حتى يدلنا على احد اقاربه راعي بالجوار




طبعاً ابو عبدالله موشط (مغرز بقوة) الموتر ومسمينه قش المصري لأنه يشابه احبابنا من مصر اثناء السفر هههههههه





بعض الرعاة يحسبنا نبيع فنجلس نفهم

وفي كل ذات كبد رطبة اجر ولله الحمد كان معنا كتب لغير المسلمين













تعبير مؤثر

وكتب للمسلمين ايضاً

بعض مساكن الرعاة




























طبعاً بعضهم والله ثم والله في الشمال ولا معه الا بطنية مثل فراش المسكين وعادي يموت من البرد

يتوسد الحجر الله لا يقسي قلوبنا

انتبهوا للفراش

حزن




ثم فرحه

الهدف من الكشته انت تبي تاصل ناس ..الديرة عنهم بعيده والظروف اجبرتهم فلا تبخل عليهم من ماعندك













اذكر احد القصص اثناء التوزيع شفت اخ من احد الدول العربية راعي المهم سلمت عليه وسألته عن اوضاعة فلقيت رجليه متجرحة من ظاهر رجله ولبسه رث وعطيته الفراش والشنطة فمشيت من عنده فلمحت الرجال كأنه يبكي فرجعت لمه فسألته وش فيك ماقدر يتكلم فصراحه خميته رحمته فقال ابكي عشان مادري كيف اشكركم قلت ياخي حنا بشر وربي رزقك اشكر الرزاق الي ينعم علينا وله الفضل والمنه صراحه موقف ما انساه

ومن ضمن المواقف لقيت رعاة اثنين من النيبال واحد مسلم له يمكن شهر والثاني كافر وكان يدور كتاب عشان يدعو زميله للاسلام فكان موقف حلو جداً فتأثر النيبالي المسلم والكافر وكانت دفعه قوية عشان يدعوه





لوتعطس يمكن يشمتك عراقي بالعراق من القرب هههههههههه








جاكم المطر




ابو وتو استراحة محارب خخخخخخخخخخخ




ابو علي مدروخ




طيب القهوة زينة

احد يشوي الصبح مسكت غلط ههههه












جلست سمر قبل الوداع نشوفكم على الخير





الديزلية مستبسله بدروب لوهي طويله




نستودعكم الله
ولاتنسونا من صالح دعائكم لكل من شارك في هذا العمل واخص بالذكر الوالدة ام يوسف رحمها الله
مع تحيات بندر الخالدي (ابو وتو)



منقوووول اتمنى يعجبكم
الرجوع الى أعلى الصفحة اذهب الى الأسفل
ام عبودي
عضو دلع
عضو دلع
avatar

عدد المساهمات : 113
تاريخ التسجيل : 07/10/2011
الموقع : في قلب والداي حفظهم الله

مُساهمةموضوع: رد: كشتات جبارة لشباب سعوووووودي    الأربعاء نوفمبر 30, 2011 11:29 pm

نقل موفق الله يعطيك العافيه



والله يرحم والدتهم ويغفرلها

ويوفق هالشباب ويكثر من امثالهم
الرجوع الى أعلى الصفحة اذهب الى الأسفل
همسات
عضو ذهبي
عضو ذهبي
avatar

عدد المساهمات : 320
تاريخ التسجيل : 10/09/2011
العمر : 32

مُساهمةموضوع: رد: كشتات جبارة لشباب سعوووووودي    الخميس ديسمبر 01, 2011 11:35 am

ماشالله عليهم وبارك فيهم
مجهود رائع
تسلمى يا قمر على النقل المميز
الرجوع الى أعلى الصفحة اذهب الى الأسفل
 
كشتات جبارة لشباب سعوووووودي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
احلام ورديه :: الاقسام المنوعة :: السفر والسياحه-
انتقل الى: