ورق عنب سريع بقدر الضغط لعيون هموسه

السلام عليكم ورحمة الله وبركاته

اليوم حنعمل ورق عنب ماياخد منك غير تقريباً ساعة ونص من بداية ما تشتغلي إلين ما تاكليه بالعافية

المقادير



قارورة ورق عنب (قودي أو العلالي أو حدائق كاليفورنيا) لأنهم يستوو في نفس الوقت مع الرز
بطاطس مقطعة شرائح

مقادير الحشوة
مكعب ماجي
2 كاسة رز مصري
1 بصل
2 طماطم
عصير حبتين ليمون
راس ثوم
حزمة كزبرة
ملعقتين أكل دبس الرمان (إن وجد)
ملح - فلفل أسود - كمون
علبة صلصلة (الكرتون)
نصف حزمة نعناع
نصف كاسة زيت زيتون
حبتين فلفل أخضر حار (حسب الرغبة)

مقادير الصلصة

مكعب ماجي
عصير ليمونتين
نصف كوب زيت زيتون
ملح
نصف راس ثوم
شوية نعناع

الطريقة:

* غسلي الرز المصري وانقعيه في موية قبل ما نبدأ بتحضير المقادير
* أفرمي الثوم والفلفل ناعم.


*وبعدين حطي باقي مقادير الحشوة ماعدا الطماطم وأفرميه خشن .... يعني تبان أوصال البصل في الخلطة.




* قطعي الطماطم مكعبات صغيرة وحطيه عالرز وأضيفي باقي مقادير الحشوة.

* أخلطيهم سوا ..


* نحضر مكان التحضير .... حطي الخلطة عاليمين والورق عالشمال (بعد ما تغسليه بالموية) وتبسي في النص ... انا دايما اعمل الطريقة دي لأنها تخليني أخلص اللف بسرعة ... لا تغرفي الرز في الحشوة بالملعقة لأنك حتاخدي وقت عشان تشيلي الملعقة وترجعيها ... أغرفي بيدك .... وكمان لا تحطي كل ورقة تلفيها في القدر ... رصيه في أول التبسي عشان تخلصي بسرعة.


*طريقة اللف


* نحط في القدر شوية زيت زيتون ونرص البطاطس الحلقات وهنا زادت عليا حشوة فحشيتها فلفل رومي وحطيته أول.

* نرص ورق العنب

* في الخلاط نحط نص راس ثوم ونعناع وزيت زيتون وماجي وملح وعصير ليمونتين


* شكلهم بعد الخلط


* نضيف عليه موية ونصبه على ورق العنب (مقدار الموية بنفس مستوى الورق)



*وحطي عليه حاجة تقيلة زي صحن فخار أو اللي في الصورة (اشتريتها من ايكيا)


* حطيه عالعين الكبيرة وتحته (الحديدة المدورة مني عارفة ايش اسمها) على نار متوسطة وخليه نص ساعة أو ساعة إلا تلت .
* صورة بعد النضج

وبالهناء والعافية

منقووول من احد المنتديات من الاخت neesah الله يوفقها
ولاتنسوني من الدعاء لأني والله تعبت في نقل الموضوع
ويااارب ينال اعجابكم

منوارت حبايبي