فقط في السعوديه....هههههههههههههههه اضحك ياضايق الصدر

فقط في السعوديه....هههههههههههههههه اضحك ياضايق الصدر

--------------------------------------------------------------------------------

اذا احد عصب عليك يقول شف انا ماابي احلف بس قسم بالله...


من الجمل في السعوديه اللي مالها معنى

(انا اذا عصبت عصبت)
لا ياشيخ يعني اذا عصبت بتنام مثلا


من الجمل اللي مالها معنى بالسعوديه

والله لو انه ايش

وشهو هذا ايش



فقط في السعوديه اذا شافو ولد نعمه
قالو لايغرك ماهو مرتاح نفسيا
الله اكبر
تكفى احنا اللي تقطعنا من الراحه النفسيه


الجمله السعوديه الجديد اللي مالها معنى

عطني نفس المقاس بس اكبر شوي


الجمله السعوديه الوحيده اللي مالها معنى
خلاص انا هنا اذا هذا اعطيك خبر

طيب وشو هذا


ههههههههههههههههههههههههههه


اسدحو ما بجعبتكماعجبني الموضوووع منقوول

خواطر بس لا أحد يزعل :-)

​وصلنا عام 2012
ومآزآلوآ امهاتنا اذا تكلموآ بالتلفون يرسمون على الزوليه و يلقطون اللي طايح ويطقطقون على فخوذهم !!



​​وصلنا عام 2012
ولازال الشعب السعودي يدخل المحل اول مره بحياته ويقول صديق سوي دسكاونت أنا دايم يجي هنا والهندي النصاب يقول له أنا معلوم انتا!



​​وصلنا عام 2012
ومواصفات زوجة المستقبل عند أي سعودي .. طويلة وبيضا وشعرها طويل ..



وصلنا عام 2012
و مازال الشعب السعودي إذا خلص الشامبو يعبون العلبه مويه ويرجونه



وصلنا عام 2012
ومازال الشعب السعودي إذا شاف أخوه الصغير معه شبس يقوله:أفتحه لك?



وصلنا عام 2012
ومازال الشعب السعودي ذا شافوك راجع مـن المسجد يسألونك خلصوو صلاة ؟!! لا طلعنا الإمام فسحة



وصلنا عام 2012
ولا زال الشعب السعودي يفتح كيس خبز التوست،يترك اول خمس خبزات (الخايسات) و ياخذ من النص



وصلنا عام 2012
ولازال الشعب السعودي اذا شافو بنت بيضاء يسأل " امك سعودية؟



وصلنا عام 2012
ومازال الشاب السعودي مايعلم باسم امه واذا تزوج أول ما تجيه بنت سماها على اسم امه !!



وصلنا عام 2012
ولازال الشعب السعودي يستخدمون كأسات الجبنه للشرب (ماء أو شاي)



وصلنا عام 2012
ولازال الشعب السعودي اذا عرفوا إن الولد يحب اخته المولوده ولا يغار، يقولون له بناخذ اختك ، يالله هاتوا ملابسها



وصلنا عام 2012
ولازال الشعبه (أقصد الفتاه) السعودية إذا بتتزوج ماتعلم إذا حامل ماتعلم إذا بتسافر ماتعلم إذا مرضت ماتعلم إذا نجحت ماتعلم إذا سقطت ماتعلم كن ماتزوج ولا حمل ولا ولد ولا سافر ولا مرض غيرها


وصلنا عام 2012
وما زال الطالب السعودي ما يذاكر للاختبار إلا ليلة الاختبار وينجح بأمتياز ”هذا الشي محير علماء العالم"



وصلنا عام 2012
ولازال الشعب السعودي إذا شرى (تميس)يأكل من اطرافه قبل ياصل للبيت



وصلنا عام 2012
ولازال الشباب السعودي عند كل سوق لازم يبون يدخلون وهم يدرون أنه عوائل



وصلنا عام 2012
ولازال الشعب السعودي اذا خلصت بطارية الريموت ، يجلس يعضه ويعضه ويركبه ويشتغل الريموت ويحس انه سوا انجاز



وصلنا عام 2012
ولا زال لون اللابتوب اهم من خصائصه عند الشعب السعودي



وصلنا عام 2012
رمضان حزة اذان المغرب: أذًّن؟ لا ما أذن؟ إلا كني سمعته! أطلعوا يا اولاد شوفوا اذن ولا لا؟



وصلنا عام 2012
وسوالف البنات بعد الزواجات: أنا اكشخ وحده- وانا احلى وحده-ويوم مريت كلهم ناظروني. حركات الشعور بالنقص ودك تلفعينها وهي تسولف



وصلنا عام 2012
والسعوديين في كل بيت لازم مجلس للحريم ومجلس للرجال 8م×م5 ويشوهون مخطط البيت وليت يجيهم احد Description:



وصلنا عام 2012
ولا زال السعوديين لا دق تلفون المسلسل يقولون (عندنا ولا عندهم)؟



وصلنا عام 2012
والدولاب فيه مليون لبس و اذا جت عزيمه "ماعندي شيء البسه, ياربيه وش اللبس, بروح السوق ادور اخاف ما القى , ياربيييه ليتهم ماعزمونا



وصلنا عام 2012
ولا زال السعوديين عندك واسطه ! تدخل جامعه، مستشفى حكومي، وزارات ! ما عندك شي ؟ أجل اقعد في بيتكم



وصلنا عام 2012
ولا زال السعودي عند الكاشير يحتج و يشتم فيهم لأن الأسعار عالية، و بالأخير يطلع الفلوس من جيبه ويشتري بالسعر الي طلبوه



وصلنا عام 2012
والسعوديين اذا جو يصلون لازم يلفون شوي يسار للقبله



وصلنا عام 2012
والطفل السعودي اذا كان بالشارع ومرت سياره، يشوت نعلته علشان تدعسها السياره



وصلنا عام 2012
والعائله السعوديه اذا سافروا لازم يسكنون بنفس الشقه حقت العام والا ماكأنهم سافروا حتى لو راحوا لمكه



وصلنا عام 2012
والسعودي يسأل العامل اجنبي ... انتا مسلم؟ مين كفيل؟ وين شغل؟ كم راتب؟ امممممم ايش اسم انتا يا محمد



وصلنا عام 2012
والسعوديين نتواعد نطلع 6 وتصير الساعه 8 ولسى ماطلعنا



وصلنا عام 2012
ولا زال الشعب السعودي إذا شاف الصالة نظيفه و مرتبه يسأل لا شعوريا..بيجينا أحد؟



وصلنا عام 2012
ولا زال الشعب السعودي اذا سألته وين فلان يحط يده بجيبه و يقول لحظه بطلعه .

بدون زعل نوسع اصدورنا تري ماافية شي اناسعودية وافتخر00
(((منقول لكم ))

ههههههههههههههههههههه
والله اضحك من قلبي وبناتي انجنو ياماما ويش فيك
الله يوسع صدرك ياااحبيبتي
الف شكررررررررر

شرفني مرورك غاليتي

شرفني مرورك غاليتي ورده

ياصقيقتنا الجديده

ياخواااافه هههههههههههههه